والدین کی دعائیں بچوں کے لئے بے شمار برکات کا باعث بنتی ہیں، اور ان دعاؤں میں دنیاوی کامیابی کے ساتھ ساتھ آخرت کی فلاح بھی شامل ہونی چاہیے۔ دنیا کی کامیابیاں عارضی اور فانی ہیں، جبکہ آخرت کی کامیابی ابدی اور دائم ہے۔

والدین کی دعا ایک بہت بڑی طاقت ہے جو اللہ کے ہاں قبولیت کا دروازہ کھولتی ہے۔ قرآن اور حدیث میں والدین کو اپنے بچوں کے لئے دعا کرنے کی ترغیب دی گئی ہے۔ اللہ تعالیٰ نے والدین کو اپنی دعا کے ذریعے اپنے بچوں کی فلاح و بہبود کی ذمہ داری سونپی ہے۔

والدین دنیا میں اپنے بچوں کی کامیابی کے لئے مختلف دعائیں کرتے ہیں جیسے کہ:
– اللہ ان کے بچوں کو کامیاب کرے۔
– اللہ ان کو اچھے رزق اور نوکری سے نوازے۔
– اللہ ان کی زندگی میں خوشیاں اور سکون دے۔
– اللہ ان کے لئے اچھی بیوی اور بچوں کا انتظام کرے۔

یہ سب دعائیں دنیاوی سطح پر کامیابی کی نشاندہی کرتی ہیں۔ لیکن ان دعاؤں کا مقصد صرف دنیاوی فائدہ تک محدود نہ ہو، بلکہ اس میں اللہ کی رضا اور آخرت کی فلاح کی بھی دعائیں شامل ہونی چاہئیں۔

اگر والدین کی دعاؤں میں آخرت کی فلاح کے لئے دعا بھی شامل ہو، تو یہ دعائیں بچوں کے لئے ایک مکمل اور متوازن زندگی کا پیغام بن سکتی ہیں۔ آخرت کے لئے دعائیں جیسے:
– اللہ ہمارے بچوں کو دین کی ہدایت دے۔
– اللہ انہیں نیک اور صالح بنائے۔
– اللہ انہیں اپنی عبادت اور ذکر کرنے کی توفیق دے۔
– اللہ ہمارے بچوں کو جنت میں داخل کرے۔
– اللہ انہیں قیامت کے دن شفاعت کے حق میں رکھے۔
– اللہ ہمارے بچوں کو اپنی ہدایت کے راستے پر چلنے کی توفیق دے۔
– اللہ ان کے دلوں میں ایمان اور تقویٰ کی محبت ڈالے۔

اگر والدین اپنی دعاؤں میں آخرت کی کامیابی کی دعائیں شامل کریں، تو یہ بچوں کی زندگی میں ایک روحانی تبدیلی لا سکتی ہیں، اور انہیں دنیا اور آخرت دونوں میں کامیابی حاصل ہو سکتی ہے۔

دعا کا اثر فوری نہیں ہوتا، اکثر والدین دعائیں کرتے ہیں، لیکن ان کا فوری اثر نظر نہیں آتا۔ اس کا مطلب یہ نہیں کہ دعا قبول نہیں ہوئی۔ اللہ کے ہاں دعاؤں کا وقت اور انداز مختلف ہوتا ہے۔ بعض دعائیں دنیا میں جلدی قبول ہو جاتی ہیں، جبکہ بعض دعائیں آخرت میں انعام کے طور پر ملتی ہیں۔
والدین کی دعاؤں کا مقصد صرف دنیاوی کامیابی نہیں بلکہ بچوں کی اخلاقی اور روحانی تربیت بھی ہونا چاہیے۔ بچے جب والدین کی دعاؤں سے رہنمائی حاصل کرتے ہیں تو ان کی زندگی میں سکون اور برکت آتی ہے۔ اللہ تعالیٰ نے والدین میں اولاد کے لئے محبت رکھی ہے۔ یہی محبت والدین کو بچوں کے لیے دعا کرنے پر آمادہ کرتی ہے۔ قرآن پاک میں بھی والدین کو اولاد کے لئے دعا کرنے کی ترغیب دی گئی ہے، جیسے سورۃ فرقان کی آیت 74 میں کہا گیا:
وَالَّـذِيْنَ يَقُوْلُوْنَ رَبَّنَا هَبْ لَنَا مِنْ اَزْوَاجِنَا وَذُرِّيَّاتِنَا قُرَّةَ اَعْيُنٍ وَّاجْعَلْنَا لِلْمُتَّقِيْنَ اِمَامًا
– “اور وہ لوگ جو کہتے ہیں: اے ہمارے رب! ہمیں اپنی بیویوں اور اولاد سے آنکھوں کی ٹھنڈک دے، اور ہمیں پرہیزگاروں کا امام بنا دے۔” (الفرقان 74)

دعا کے ساتھ ساتھ والدین کو بچوں کی تربیت بھی کرنی چاہیے۔ بچوں کو دین، اخلاق، اور سلیقے کے بارے میں آگاہ کرنا ضروری ہے تاکہ وہ اپنی زندگی کو بہتر بنا سکیں. جب والدین اپنی دعاؤں میں اخلاص اور صحیح نیت کے ساتھ اللہ سے اپنے بچوں کے لئے دعا کرتے ہیں، تو ان کی دعائیں اللہ کی بارگاہ میں قبول ہوتی ہیں۔ اللہ تعالیٰ کی رضا کے لئے دعا کرنا اور بچے کی فلاح کے لئے دعا کرنا دونوں ہی اہم ہیں۔

والدین کی دعائیں بچوں کے لئے ایک بہت بڑی نعمت ہیں اور ان میں دنیاوی کامیابیوں کے ساتھ ساتھ آخرت کی فلاح کے لئے بھی دعا ہونی چاہیے۔ ایک مکمل دعا میں دنیا اور آخرت کی کامیابی دونوں کا تذکرہ کیا جانا چاہئے تاکہ بچے نہ صرف دنیا میں کامیاب ہوں، بلکہ آخرت میں بھی اللہ کی رضا اور جنت کے حق دار بنیں۔
اولاد کے متعلق قرآن و سنت میں انبیاء علیہم الاسلام اور صالحین کی بیان کردہ دعاوں میں سے کچھ دعائیں درج ذیل ہیں:

ا: حضرت ابراہیم علیہ الاسلام کی دعائیں، حصول اولاد کے لئے؛
رَبِّ هَبْ لِـىْ مِنَ الصَّالِحِيْنَ
[سورۃ الصافات /آیت 100]
ترجمہ؛ اے میرے رب! مجھے کوئی سعادت مند لڑکا عطا فرمائیے۔

2: نسل کو نماز کا قائم کرنے والے بنانے کی دعا:
رَبِّ اجۡعَلۡنِیۡ مُقِیۡمَ الصَّلوٰۃِ وَمِنۡ ذُرِّیَّتیۡ رَبَّنَا وَ تَقَبَّلۡ دُعَآءِ
سورۃ ابراہیم 40-41
ترجمہ؛ اے میرے رب مجھے توفیق دیجئے کہ میں نماز قائم کروں اور میری نسل کو بھی اس کی توفیق ملے. اے میرے رب! میری دعا آپ کے حضور قبول ہو. اے ہمارے رب مجھے بخش دے اور میرے ماں باپ کو اور سب مسلمانوں کو جس دن حساب قائم ہوگا.

3: اَللّٰھُمَ بَارِکۡ لَھُمۡ فِی طَعَامِھِمۡ وَشَرَابِھِمۡ

ملاحظہ ہو: صحیح البخاری، کتاب الانبیاء، رقم الحدیث 399/6،3365)
ترجمہ؛ اے اللہ! ان کے کھانے اور مشروب میں برکت عطا فرمایئے.

4: أَعُوۡذُ بِکَلِمَاتِ اللهِ التَّامَّۃِ مِنۡ کُلِّ شَیۡطَانٍ وَھَامَّۃٍ وَمِنۡ کُلِّ عَیۡنٍ لَامَّۃٍ

(المرجع السابق، رقم الحدیث 408/6،3371)

ترجمہ؛ میں اللہ تعالٰی کے کامل تاثیر والے کلمات کے ساتھ ہر ایک شیطان، ہر زہریلے جانور اور ہر نقصان پہنچانے والی نظر بد سے پناہ طلب کرتا ہوں.

5: رَبِّ لَا تَذَرۡنِیۡ فَرۡدًا وَّأَنۡتَ خَیۡرُ الۡوَارِثِیۡنَ
سورۃ الانبیاء/آیت 89
ترجمہ؛ اے میرے رب! مجھے اکیلا نہ چھوڑیئے اور آپ سب وارثوں میں سے بہتر ہیں۔

6: رَبَّنَا هَبْ لَنَا مِنْ اَزْوَاجِنَا وَذُرِّيَّاتِنَا قُرَّةَ اَعْيُنٍ وَّاجْعَلْنَا لِلْمُتَّقِيْنَ اِمَامًا
سورۃ الفرقان/آیت 74
ترجمہ؛ اے ہمارے رب! ہمیں ہماری بیویوں اور اولاد سے آنکھوں کو ٹھنڈک عطا فرمائیے اور ہمیں متقی لوگوں کا امام بنائیے۔

7: رَبِّ اَوْزِعْنِىٓ اَنْ اَشْكُـرَ نِعْمَتَكَ الَّتِىٓ اَنْعَمْتَ عَلَـىَّ وَعَلٰى وَالِـدَىَّ وَاَنْ اَعْمَلَ صَالِحًا تَـرْضَاهُ وَاَصْلِحْ لِـىْ فِىْ ذُرِّيَّتِىْ ۖ اِنِّىْ تُبْتُ اِلَيْكَ وَاِنِّىْ مِنَ الْمُسْلِمِيْنَ
سورۃالاحقاف/آیت15
ترجمہ؛ اے میرے رب! مجھے توفیق دیجیے کہ میں آپ کی اس نعمت کا شکر کروں، جوآپ نے مجھے اور میرے والدین کو عطا فرمائی اور یہ کہ میں وہ نیک عمل کروں، جسے آپ پسند کرتے ہیں اور میرے لیے میری نسل کی اصلاح فرما دیجئے۔ بے شک میں نے آپ کی طرف توبہ کی اور بے شک میں مسلمانوں میں سے ہوں۔

اے ہمارے رب! ہمیں اپنی اولادوں کے لیے یہ سب دعائیں کرنے کی توفیق عطا فرمائیے اور اس بارے میں ہم گناہ گاروں اور ناکاروں کی تمام فریادوں کو قبول فرمایئے۔ آمین یا حیی یا قیوم برحمتک استغیث

8: رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ
اے ہمارے رب! ہمیں دنیا میں بھلائی عطا فرما اور ہمیں آخرت میں بھی بھلائی عطا فرما اور ہمیں دوزخ کے عذاب سے بچا۔

اولاد کو سچا مسلمان بنانے، عبادت کے طریقے سکھلانے اور معاف کرنے کی دعا:
9: رَبَّنَا وَاجْعَلْنَا مُسْلِمَيْنِ لَكَ وَمِنْ ذُرِّيَّتِنَآ اُمَّةً مُّسْلِمَةً لَّكَۖ وَاَرِنَا مَنَاسِكَـنَا وَتُبْ عَلَيْنَا ۖ اِنَّكَ اَنْتَ التَّوَّابُ الرَّحِيْـمُ

سورۃ البقرۃ/آیت128
ترجمہ؛ اے ہمارے رب: ہمیں ایسی توفیق دیجئے کہ ہم سچے مسلم یعنی آپ کے حکموں کے فرمانبردار ہو جائیں اور ہماری اولاد میں سے بھی ایک امت اپنی فرمانبردار بنایئے اور ہمیں ہماری عبادت کے طریقے دکھا دیجئے اور ہماری توبہ قبول کیجئے۔ بے شک آپ ہی نہایت توبہ قبول کرنے والے، نہایت رحم فرمانے والے ہیں۔