پیروں کا خیال رکھنا نہایت آسان ہے اور آپ کچن میں موجود اشیاء کے استعمال سے پیروں کی خوبصورتی کو بڑھا سکتے ہیں۔

ہماری زیادہ توجہ صرف چہرے کی خوبصورتی پر ہی ہوتی ہے جس کے لئے جِلد کو جوان اور چمکدار بنانے کیلئے کافی جتن کیے جاتے ہیں اور اس وجہ سے ہم اپنے ہاتھ اور پیروں کا خیال رکھنا اکثر بھول جاتے ہیں۔

کیا آپ کو معلوم ہے کہ چہرے کے ساتھ ساتھ ہاتھ اور پیروں کی جِلد کا خیال بھی ضروری ہے جو آپ کی شخصیت پر اثر رکھتا ہے، پیروں کا خیال رکھنا نہایت آسان ہے اور آپ کچن میں موجود اشیاء کے استعمال سے پیروں کی خوبصورتی کو بڑھا سکتے ہیں۔

سیب کا سرکہ اور گرم پانی 

سیب کا سرکہ مارکیٹ میں باآسانی مل جاتا ہے اور بہت سے گھروں میں اس کا استعمال بھی کیا جاتا ہے، نیم گرم پانی میں تھوڑا سا سیب کا سرکہ شامل کرکے اپنے پیروں کو اس پانی میں 10 منٹ کیلئے ڈال دیں اور ایڑھیوں سے مردہ جِلد کو صاف کریں، ایسا کرنے سے آپ کے پیر بھی نرم ہوجائیں گے اور ایڑھیاں بھی صحت مند لگیں گی۔

زیتون کا تیل:
زیتون کے تیل میں قدرت نے بہت سی بیماریوں سے شفاء رکھی ہے، زیتون کے تیل کو کھانے میں بھی استعمال کیا جاتا ہے جب کہ یہ جِلد کی دلکشی کو بڑھانے میں بھی مدد گار ثابت ہوتا ہے۔ رات کو سونے سے قبل پاؤں دھونے کے بعد زیتون کے تیل سے مالش یقینا” کارآمد ہوتی ہے۔ دن بھر کی تھکن دور ہوتی ہے اور نیند بھی خوب اچھے سے آتی ہے۔

پٹرولیم جیلی:
پٹرولیم جیلی بھی ہر گھر کی ضرورت ہے، رات سونے سے قبل پٹرولیم جیلی سے اچھی طرح پیروں کی مالش کی جائے اور ہلکے کاٹن کے موزے پہن لئے جائیں تو اس سے بھی روکھے پیروں میں جان آ جائے گی۔

امید ہے یہ tips نہایت کارگر ثابت ہوں گے۔ خوش رہیں صحت کے ساتھ۔