إِنَّ الله لاَ يُغَيِّرُ مَا بِقَوْمٍ حَتَّی يُغَيِّرُواْ مَا بِأَنْفُسِہِمْ سورت13 الرعد آیت نمبر11 ترجمہ؛ الله تعالٰی کسی قوم کی حالت نہیں بدلتا جب تک وہ خود اسے نہ بدلیں جو ان کے دلوں میں ہے ۔ ۔ ۔ وَأَن لَّيْسَ لِلْإِنسَانِ إِلَّا مَا سَعَی۔ سورت 53 النّجم آیت نمبر 39۔ ترجمہ؛ اور یہ کہ ہر انسان کیلئے صرف وہی ہے جس کی کوشش خود اس نے کی ۔ ۔ ۔

قرآن شریف کی تلاوت کارِ ثواب ہے لیکن قرآن شریف کا مقصد اِسے سمجھنا اور اِس کے مطابق عمل کرنا ہے۔
سورت 39 الزُمَر، آیت نمبر 9- قُلۡ هَلۡ يَسۡتَوِى الَّذِيۡنَ يَعۡلَمُوۡنَ وَالَّذِيۡنَ لَا يَعۡلَمُوۡنَ‌ؕ اِنَّمَا يَتَذَكَّرُ اُولُوا الۡاَلۡبَابِ۔ ترجمہ؛ کہو بھلا جو لوگ علم رکھتے ہیں اور جو نہیں رکھتے دونوں برابر ہوسکتے ہیں؟ (اور) نصیحت تو وہی پکڑتے ہیں جو عقلمند ہیں۔
 
دین کی بات نہ بھی کریں تو عِلم والے کا مطلب رَٹا لگانے والا نہیں ہے بلکہ سمجھ کر اُس پر عمل کرنے والا ہے۔

اللہ تعالی نے انسان کو غور کرنے کا سبق قرآن پاک میں 756 بار دیا ہے کیونکہ غور کرنے سے ہی بات صحیح سمجھ آ سکتی ہے۔ یہاں میں ان میں سے کچھ کا ذکر کر رہی ہوں جو قرآن کلاس کی بدولت سیکھا اور سمجھا ہے۔

سورت 6 الانعام ۔ آیت 50 میں آتا ہے۔
ہَلۡ یَسۡتَوِی الۡاَعۡمٰی وَ الۡبَصِیۡرُ ؕ اَفَلَا تَتَفَکَّرُوۡنَ
بھلا اندھا اور آنکھ والا برابر ہوتے ہیں؟ تو پھر تم غور کیوں نہیں کرتے؟

سُوۡرَةُ 2 البَقَرَة آية 219
كَذٰلِكَ يُبَيِّنُ اللّٰهُ لَـكُمُ الۡاٰيٰتِ لَعَلَّکُمۡ تَتَفَكَّرُوۡنَۙ۔ ترجمہ؛ اس طرح الله تعالی تمہارے لئے اپنے احکام کھول کھول کر بیان فرماتے ہیں تاکہ تم سوچو۔

سُوۡرَةُ 2 البَقَرَة آية 266
كَذٰلِكَ يُبَيِّنُ اللّٰهُ لَـكُمُ الۡاٰيٰتِ لَعَلَّكُمۡ تَتَفَكَّرُوۡنَ۔ ترجمہ؛ اس طرح الله تعالی تم سے اپنی آیتیں کھول کھول کر بیان فرماتے ہیں تاکہ تم سوچو اور سمجھو۔

سُوۡرَةُ 10 یُونس آیت نمبر 3
اَفَلَا تَذَكَّرُوۡنَ۔ ترجمہ؛ بھلا تم غور کیوں نہیں کرتے؟

سُوۡرَةُ 11 هُود آیت نمبر 24
اَفَلَا تَذَكَّرُوۡنَ۔ ترجمہ؛ پھر تم سوچتے کیوں نہیں؟
سُوۡرَةُ 11 هُود آیت نمبر 30
اَفَلَا تَذَكَّرُوۡنَ ۔ (بھلا تم غور کیوں نہیں کرتے؟
سُوۡرَةُ 16 النّحل آیت نمبر 17
اَفَلَا تَذَكَّرُوۡنَ۔ ترجمہ؛ پھر تم غور کیوں نہیں کرتے؟
سُوۡرَةُ 23 المؤمنون آیت نمبر 85
قُلۡ اَفَلَا تَذَكَّرُوۡنَ۔ ترجمہ، کہو کہ پھر تم سوچتے کیوں نہیں؟

سُوۡرَةُ 37 الصَّافات آية 155
اَفَلَا تَذَكَّرُوۡنَ‌ۚ۔ ترجمہ؛ بھلا تم غور کیوں نہیں کرتے؟
سُوۡرَةُ 45 الجَاثیَة آیت نمبر 23
اَفَلَا تَذَكَّرُوۡنَ۔ ترجمہ؛ بھلا تم کیوں نصیحت نہیں پکڑتے؟

ایک غیر مُسلم آئزک نِیوٹَن (1643ء ۔ 1727ء) جو مشہور ماہر طبیعات و ریاضی دان تھے اِن الفاظ میں غور کرنے کو اُجاگر کیا تھا
”ایک انگھوٹھے کی ایک پور کا مطالعہ ہی یہ سمجھنے کیلئے کافی ہے کہ خدا ہے“۔

ہم سِینہ ٹھَونک کر مسلمان ہونے کا دعوٰی تو کرتے ہیں لیکن اللہ تعالی کا فرمان (قرآن شریف) احترام کی خاطر ہم مخمل میں لپیٹ کر اُونچی جگہ پر رکھتے ہیں لیکن اُسے سمجھنے اور اُس پر غور و فکر کرنے کا ہمارے پاس وقت نہیں ہوتا
حد تو یہ ہے کہ ہم دُنیاوی معاملات میں بھی صورتِ حال اور معاملہ کا مکمل جائزہ لئے بغیر فتوٰی صادر کر دیتے ہیں
اللہ ہمیں اپنے کلام کو سمجھنے اور اس پر عمل کرنے کی توفیق عطا فرمائے، آمین۔