سردیوں کا موسم اپنی خوبصورتی لانے کے ساتھ اپنے ساتھ 
 ایسی بے شمار بیماریاں بھی لاتا ہے جو ہمارا ایمیون سسٹم کم کر دیتا ہے۔ سردی کے موسم میں لوگ زیادہ تر نزلہ، زکام، کھانسی اور بخار جیسے بیماریوں میں مبتلا رہتے ہیں۔ ان بیماریوں سے بچا جا سکتا ہے اگر ہم اپنی خوراک کا دھیان رکھیں۔ ہمیں اپنی خوراک میں کچھ ایسے کھانے شامل کرنے کی ضرورت ہوتی ہے جو ہمیں اندر سے مضبوط کر کے ہمارے جسم کو اس قابل بنائے جو متعدد بیماریوں سے لڑ سکے۔ 

سردیوں کے موسم کے بارے میں کہا جاتا ہے کہ یہ موسم کھانے پینے اور پہننے اڑھنے کے لحاظ سے بہترین موسم ہے۔ اس موسم میں جو عام سی بیماریاں ہوتی ہیں ان سے نمٹنے کے لیے ضروری ہے اپنے کھانے پینے کی عادات کا خاص خیال رکھا جائے۔ سردیوں کے موسم میں ہی نہیں بلکہ سارا سال صحت مند، چست اور چاق و چوبند رہنا بہت ضروری ۔ تاہم اس بات کو اچھی طرح سے سمجھ لینا چاہیے کہ ہمیں کب اور کس وقت کیا کھانا چاہیے۔
آپ کو یہ یقینی بنانا چاہیے کہ آپ اپنی صحت مند کھانے کی عادات پر قائم رہیں اور اپنے آپ کو چاق و چوبند رکھیں۔ ذیل میں کچھ ایسی کارآمد غذائوں کے بارے میں بتایا گیا ہے جو سردیوں کے موسم میں ہمارے امیون سسٹم کو بڑھانے میں مدد کریں گی۔

Table of Contents

•  1۔ پائے

• 2۔ موسم سرما کے پھل اور سبزیاں

• 3۔ آئرن سے بھرپور کھانے

• 4۔ وٹامن ڈی سے بھرپور غذائیں

•  5۔ خشک میوه جات کا استعمال کریں

• 6۔ شہد کا استعمال کریں

• 7۔ دیسی گھی کا استعمال

• 8۔ گڑ اور شکر کا استعمال

• 9۔ کالی مرچ اور اجواین کا استعمال

• 10۔ لہسن کا استعمال

• 11۔ مچھلی کا استعمال

• 12۔ انڈے کھائیں

• غذائوں میں احتیاط کریں 

1۔ پائے

یوں تو پائے ہر موسم میں ہی کھائے جاتے ہیں تاہ ہم ان کا استعمال سردیوں میں کئی گنا زیادہ بڑھ جاتا ہے۔ سردیوں میں سری پائے کھانے کی بڑی وجہ یہ ہے کہ وہ جسم کو گرمائش میں رکھتے ہیں۔

پائے میں بھی وافر مقدار میں کیلوریز، فیٹس، پوٹاشیم، کیلشیم، اور پروٹین پائی جاتی ہے۔ کیونکہ ان میں چکنائی زیادہ ہوتی ہے۔ یہی وجہ ہے کہ ان کو کھانے کے بعد واک یا دیگر جسمانی سرگرمیاں ضرور کرنی چاہیے۔ بڑھتی عمر کے بچوں، ہڈیوں اور جوڑوں کے مریضوں کے لیے ان کا استعمال خاص طور پر مفید ہے۔ تاہم اس میں اعتدال بہت ضروری ہے۔

2۔ موسم سرما کے پھل اور سبزیاں

ماہرین اس موسم میں سبز پتوں والی سبزیوں سمیت اس موسم کے مخصوص پھلوں کو زیادہ کھانا بہتر تصور کرتے ہیں۔ اس موسم میں سب سے پہلے جو کام آپ کر سکتے ہیں وہ یہ ہے کہ اس موسم میں خود کو صحت مند اور توانا رکھنے کے لیے آپ پھل اور سبزیاں کھائیں۔
کیونکہ پھلوں اور سبزیوں میں وٹامنز اور غذائیت کی بڑی مقدار موجود ہوتی ہے، جو اپ کے بدن میں موسم کے اثرات سے لڑنے کے لیے قوت مدافعت پیدا کرتی ہیں۔ پھل اور سبزیوں کا استعمال آپ کے لیے فقط صحت بخش ہی نہیں ہے بلکہ سردیوں کی سبزیاں اور پھل اپنے ذائقوں میں بھی شاندار ہیں۔ لہذا سردیوں کا موسم مزے مزے کے پھل اور سبزیاں کھانے کے لیے مفید ہے۔

پھلوں کے علاوہ اگر ہم صرف سبزیوں کی بات کریں تو سبزیاں غذائیت سے بھرپور ہوتی ہیں۔ سبزیوں میں صحت مند غذا بڑی مقدار میں پائے جاتے ہیں جو انسانی جسم کے لیے ہر طرح سے فائدے مند ثابت ہوتے ہیں۔ اپ چاہیں تو پھلوں کی مکس چاٹ بنا کر کھا سکتے ہیں سبزیوں کو ابال کر ان کا گرم گرم سوپ پی سکتے ہیں۔
کچی سبزیاں جیسے سفید مولی، لال مولی، گاجر، کھیرا، بند/ پتا گوبھی، چکندر، شملہ مرچ، پودینہ کے پتے اور لیموں کا سلاد بنا کر کھایا جاتا ھے۔ گاجر، چکندر، سیب، سرخ انار اور چھوٹا ٹکڑا ادرک اور تھوڑا سا پودینہ ڈال کر ایک مزےدار fresh red drink انجوائے کر سکتے ہیں۔ یہ خوش ذائقہ، غذائیت اور انرجی سے بھرپور ڈرنک دن بھر کی بھاگ دوڑ میں بہت معاون رہے گا۔ سردیوں کے موسم میں گریپ فروٹ، کیوی، لیمو، کینو، انار، امرود، بروکلی، گاجر اور اس موسم میں دستیاب دیگر پھلوں اور سبزیوں سے بھرپور فائدہ اٹھائیں اور انہیں اپنی ونٹر ڈائٹ میں ضرور شامل کریں۔

3۔ آئرن سے بھرپور کھانے

سردیوں کے موسم میں آئرن سے بھرپور کھانے کھانا انسانی صحت کے لیے بہت ضروری ہے۔ اپنے جسم میں آئرن کی مقدار کو اپنے لیول پر رکھنے کے لیے ضروری ہے کہ آپ سریوں کے موسم میں آئرن سے بھری غذائیں کھائیں۔ دالیں سرخ گوشت، ہری سبزیاں، بیج، چنے اور ڈرائی فروٹس یعنی میوہ جات میں آئرن کی بے انتہا مقدار پائی جاتی ہے۔

4۔ وٹامن ڈی سے بھرپور غذائیں

سردیوں کے موسم میں چونکہ سورج نہ نکلنے کی وجہ سے آپ کو وٹامن ڈی نہیں مل پاتی جو کہ نہ صرف موسم سرما میں بلکہ سارا سال ہی بہت ضروری ہے۔ موسم سرما میں ہڈیوں کو وٹامن ڈی کی اشد ضرورت ہوتی ہے۔ سردیوں کے موسم میں جسم کو اور خاص طور پے ہڈیوں کو وٹامن ڈی کی شکایت ہوتی ہے جس کی بڑی وجہ وٹامن ڈی کی کمی ہوتی ہے۔ سورج کی براہ راست دھوپ وٹامن ڈی کی فراہمی کا سب سے بڑا اور قدرتی ذریعہ ہے۔ 
سردیوں کی دھوپ تو ویسے بھی بہت مزے کی دھوپ ہوتی ہے۔ سردیوں کے موسم میں صبح کے وقت نکلنے والی دھوپ میں سردیوں کے موسم کے پھل کھانا بے حد مفید ہے ان پھلوں میں خاص طور پر کینو، امرود، انار، کیلے یا سیب کھانے کا اپنا ہی مزہ ہے۔ پھلوں اور سبزیوں کے علاوہ بھی بہت ساری ایسی قدرتی غذائیں ہیں جن میں وٹامن ڈی موجود ہے اگر آپ چاہیں تو آپ ان کو سے بھی فائدہ اٹھا سکتے ہیں۔ انڈے کی ذردی کو وٹامن ڈی کے حصول کے لیے سردیوں کے موسم میں خوب استعمال کریں۔

5۔ خشک میوه جات کا استعمال کریں

ہم سب اس بات سے باخوبی واقف ہیں کہ سردیوں کا موسم خشک میوہ جات سے لطف اندوز ہونے کا موسم ہوتا ہے۔ سردیوں کے اس ٹھنڈے موسم میں ان میوہ جات سے بھرپور فائدہ اٹھانے کا وقت صبح کا وقت ہوتا ہے۔ یوں تو آپ کسی بھی ان سے وقت لطف اندوز ہو سکتے ہیں، چلتے پھرتے، ٹی وی دیکھتے، میوزک سنتے ہوئے یا کوئی بھی کتاب پڑھتے ہوئے آپ خشک میوہ جات کو اپنی خوراک کا حصہ بنا سکتے ہیں۔ 

قدرت کا یہ انمول تحفہ اپنے اندر توانائی کی بھرپور مقدار رکھتا ہے۔ خشک میوہ جات آپ کے لیے نہایت صحت بخش اور ذائقے میں لاجواب ہیں جو آپ کو خوب سکون بخشتے ہیں۔  

6۔ شہد کا استعمال کریں

شہد میں بہت سے منرل اور وٹامنز کے ساتھ اینٹی آکسیڈینٹ کی خوبیاں شامل ہیں۔ شہد کی یہ اینٹی آکسیڈینٹ خوبیاں آپ کے جسم میں موسمی بیماریوں کے خلاف قوت مدافعت پیدا کرتی ہیں اور سردی کے موسم میں عام طور پر ہونے والی بیماریوں سے بچا کر رکھتی ہیں۔ ان عام بیماریوں میں نزلہ زکام اور بخار شامل ہیں۔ ہم اسے گرم دودھ، چائے، گرم پانی یا جوشاندہ اور گرین ٹی میں ڈال کر استعمال کر سکتے ہیں۔ شہد کو گرم کر کے کھایا بھی جا سکتا ھے۔ شہد کو ام الشفا بھی کہا جاتا ہے۔

7۔ دیسی گھی کا استعمال

دیسی گھی کے متعلق عام طور پر یہ خیال کیا جاتا ہے کہ یہ چربی کی وجہ سے نقصان دہ ہے۔ دیسی گھی پر جب بہت ساری تحقیقات کی گئیں تو پتا چلا کہ دیسی گھی تو خود جسم میں موجود اضافی چربی کو ختم کرنے میں مدد کرتا ہے۔ دیسی گھی کا ایک چمچ روزانہ صبح کو اپنی خوراک کا حصہ بنائیں تاکہ آپ سردی کی خشکی سے متاثر نہ ہوں سکیں۔

8۔ گڑ اور شکر کا استعمال

گڑ اور شکر آپ کے نظام انہضام کو بہتر بناتے ہیں اور جسم کی قوت مدافعت کو مضبوط بناتے ہیں۔ سردی کے موسم میں اپنے قہوے اور میٹھے کے کھانے میں چینی کی بجائے گڑ اور شکر کا استعمال کریں ۔

9۔ کالی مرچ اور اجوائن کا استعمال

کالی مرچ اور اجوائن کو اپنی خوراک میں لازمی شامل کریں، خاص طور پر اپنی چائے اور قہوے میں ان کا استعمال بڑھائیں تا کہ آپ سردی سے بچ سکیں۔ کالی مرچ اور اجوائن آپ کے جسم کی گرمائش کو برقرار رکھتے ہیں۔

10۔ لہسن کا استعمال

تازہ لہسن میں اینٹی بیکٹیریا اور اینٹی وائرل خوبیاں پائی جاتی ہیں جس کی بنا پر لہسن سردیوں میں سب سے زیادہ زبردست خوراک تصورکی جاتی ہے۔ لہسن اپنی بے شمار خوبیوں کے ساتھ ہمارے قوت مدافعت کو مضبوط بناتا ہے اور ہمیں سردی کے اثرات سے محفوظ رکھتا ہے۔ کھانے میں لہسن کا استعمال زیادہ کریں پر اس کے ساتھ دودھ، مچھلی اور پانی کا استعمال بھی زیادہ کریں۔
11۔ مچھلی کا استعمال

سردیوں کے موسم میں مچھلی کھانا صحت کے لیے بہت مفید ہے۔ یہ ہڈیوں میں کیلشیم کی فراہمی کا ایک ذریعہ ہے۔ ماہرین کے مطابق مچھلی بطور غذا استعمال کرنے والوں کی عمریں دراز ہوتی ہیں۔ مچھلی کے گوشت میں ایسے قدرتی اجزا موجود ہیں جو کسی اور گوشت میں کم ہی پائے جاتے ہیں۔ مثلا اس میں آئیوڈین موجود ہوتا ہے جو صحت کے لیے نہایت اہمیت کا حامل ہے۔ ہارٹ اٹیک کی روک تھام کے لیے بھی اسے مفید مانا گیا ہے۔ 

مچھلی تاثیر میں بے حد گرم ہوتی ہے جو سردیوں میں آپ کو بہت ساری بیماریوں سے محفوظ رکھ سکتی ہے۔ سردیوں میں مچھلی کا استعمال زیادہ کر دیں۔ مچھلی میں اومیگا 3 فیٹی ایسڈز موجود ہیں جو جسم میں بڑھے کولیسٹرول کو کم کرنے میں مدد دیتے ہیں۔ مچھلی میں موجود آئرن خون کی کمی والی افراد کے لیے بہت فائدم مند ہے۔ سردیوں میں مچھلی زیادہ کھانی چاہیے اس لیے کہ یہ سردی کے اثرات کو کم کرتی ہے اور انفیکشن سے بچاتی ہے۔ مچھلی میں کالا رھو اور  ماشیر بہت مقبول ہیں۔

12۔ انڈے کھائیں

سردی سے بچنے کے لیے گرم انڈوں کا استعمال کریں۔ اس میں پروٹین، پوٹاشیم، منرلز، وٹامن اے، بی، سی اور ڈی کی میگنیشیم کی وافر مقدار پائی جاتی ہے۔ لہذا یہ سردیوں میں کھانے والی ایک مکلمل غذا ہے۔ انڈوں اگر ابال کر کھایا جائے تو زیادہ اچھا ہے۔ اس کی وجہ یہ ہے کہ انڈوں کو فرائی کر کے کھانے سے ان کے اندر چکنائی اور کیلوریز مزید بڑھ جاتی ہیں۔

سردیوں کے موسم میں صحت مند رہنے کے لیے یہ کچھ ترکیب ہیں جن پر آپ عمل کر کے اپنی زندگی بہتر سے بہترین بنا سکتے ہیں۔ ان کے ساتھ آپ کو ان غذائوں میں احتیاط بھی رکھنی چاہیے جو درج میں موجود ہیں۔
13۔ دودھ، دھی پنیر کا استعمال
صبح ناشتے میں گرم دودھ، تازہ دھی اور پنیر کا استعمال ضرور کریں۔ یہ ہماری ہڈیوں اور دانتوں کی مضبوطی کے علاوہ بے شمار فوائد کے حامل ہیں۔ ان میں کیلشیم، میگنیشیم، فاسفورس، مختلف وٹامن اور بے شمار منرلز شامل ہیں۔ لہذا اپنی اور اپنے بچوں کی صحت کے پیش نظر دودھ کا استعمال روزانہ کیجئیے۔

غذائوں میں احتیاط کریں 

• اگر کھانوں کو تلنا ضروری ہو تو کوشش کریں کہ کھانے میں تیل کی مقدار کم ہو۔ کھانوں کو تلنے کے لیے کوشش کریں کہ سویابین، کارن اور کنولا آئل کو ترجیح دی جائے۔

• سردی سے محفوظ رہنے کے لئے جو بھی کھائیں اعتدال سے کھائیں۔ مرغن کھانوں اور فیٹس کا زیادہ استعمال دیگر موسموں کی طرح سردی کے موسم میں بھی صحت کے لیے مفید نہیں ہے۔ چنانچہ، اچھا کھائیں اور ورزش کو اپنا معمول بنائیں۔